امریکاتےبھارت دااعلامیہ پاکستان دےخلاف آیا،خواجہ آصف

نيوز ڈیسک , بول نيوز

بدھ - 26ستمبر 2018, 12:32PM

  • 460
  • سیاست
prev next

مسلم لیگ نواز دے رہنما خواجہ آصف دا آکھنا اے کہ امریکا تے بھارت دا اعلامیہ پاکستان دے خلاف آیا اے ۔

ڈپٹی سپیکر قاسم سوری دی صدارت ہیٹھ قومی اسمبلی دے اجلاس وچ وچاراں دا اظہار کردے ہوئے خواجہ آصف نے کہیا کہ حکومت ولوں ناپختہ تے بچگانہ نقطہ نظر رئیا اے تے ایہناں حرکتاں توں پاکستان دی عزت نوں دھچکا لگیا اے ۔

عمران خان دے سعودی عرب دے دورے اتے تنقید کردے ہوئے خواجہ آصف نے کہیا کہ وزیراعظم عمران خان سعودی عرب گئے تے پی ٹی آئی والیاں نے آکھیا کہ اوہ 10 ارب لے آئے نیں ، ہن ایہہ نئیں پتا چلیا کہ ارب الف نال سی یا عین نال ۔

اوہناں نے آکھیا کہ پاک بھارت وزرائے خارجہ ملاقات دے حوالے نال بھارت دے انکار تے پاکستان نوں دھچکا لگیا تے پاکستان نوں شرمندگی چکنی پئی جدکہ امریکی وزیر خارجہ مائیک پومپیو دے دورے دے حوالے نال آکھیا گیا کہ نویں سرے توں تعلقات دا آغاز ہویا پر 24 گھنٹے وچ اوہناں دعویاں دا کچا چھٹا سامنے آگیا۔

دوجیاں خبراں

Back to Top