کراچی:پولیس چیف داخودکارہتھیارتبدیل کرن داحکم

نيوز ڈیسک , بول نيوز

ہفتہ - 22ستمبر 2018, 08:08AM

  • 269
  • قومی
prev next

کراچی پولیس چیف امیر شیخ نے اہلکاراں دے خودکار ہتھیاراں نوں بدلن دا حکم دے دتا ۔

تفصیلاں دے مطابق پولیس اہلکاراں ولوں اچانک گولی چلن توں جانی نقصان ہوندے نیں جدکہ ایہہ خودکار اسلحہ عوام وچ  خوف تے ڈر پھیلان دی وجہ بندا اے ، جیہدی وجہ توں عوام وچ پولیس دا منفی تاثر پیدا ہوگیااے۔

ایہہ ای وجہ اے کہ کراچی پولیس چیف امیر شیخ نے سکواڈ ڈیوٹی، پٹرولنگ، پکٹس، مددگار 15 تے موٹرسائیکل سکواڈ دا اسلحہ فوری اتے بدلن دی ہدایت کیتی اے ۔

جاری کردہ حکم نامے وچ آکھیا گیا اے کہ موٹر سائیکل سکواڈ نوں سب مشین گن دی تھاں پستول یا ریوالور دتا جاوے جدکہ سکواڈ ڈیوٹی اتے اہلکاراں نوں وی اک پستول تے صرف اک خودکار اسلحہ یا سب مشین گن دتی جاوے۔

ایہدے نال نال پولیس پٹرولنگ تے مامور اہلکاراں نوں وی اک خودکار اسلحہ تے اک پستول فراہم کیتا جاوے جدکہ پولیس پٹرولنگ تے پکٹس پوائنٹس تے وی پولیس اہلکاراں نوں اک پستول یا ریوالور دے نال صرف اک خود کاراسلحہ دتا جاوے ۔ مددگار 15 لئی وی ایہہ ای حکم صادر کیتا گیا اے۔

دوجیاں خبراں

Back to Top