غزہ:اسرائیلی فوج دی فائرنگ،3فلسطینی شہید

نيوز ڈیسک , بول نيوز

ہفتہ - 6اکتوبر 2018, 06:13AM

  • 376
  • بین الاقوامی
prev next

 

 

غزہ دی سرحد اتے احتجاج دے دوران اسرائیلی فوج دی فائرنگ نال تن فلسطینی شہید جدکہ 300 توں ودھ زخمی ہوگئے نیں۔

تفصیلاں دے مطابق غزہ دی سرحد اتے فلطسینیاں ولوں ہون والے احتجاج دے دوران اسرائیلی فوج نے فائرنگ کردتی جیہدے نتیجے وچ 3 فلسطینی شہید جدکہ درجناں زخمی ہوگئے۔

غزہ دی وزارت صحت دے ترجمان دے مطابق اسرائیلی فوج دی فائرنگ نال 12 سالہ فارس حفیظ تے 24 سالہ محمود اکرم موقع اتے ای دم توڑ گئے۔

وزارت صحت دے مطابق اسرائیلی فوج نے فلسطینی مظاہرین نوں منتشر کرن لئی آنسو گیس تے ربڑ دیاں گولیاں دا انھے واہ استعمال کیتا جیہدی زد وچ آکے کئی فلسطینی زخمی وی ہوگئے۔

اسرائیلی فوج دی فائرنگ نال شہید ہون والے فلسطینی نوجواناں دی نماز جنازہ ادا کردتی گئی جیہدے وچ ہزاراں بندیاں نے رلت کیتی تے اسرائیلی ظلم دے خلاف مظاہرہ وی کیتا گیا۔

 

یاد روے کہ غزہ وچ اسرائیلی قبضے دے خلاف 30 مارچ توں شروع ہون والے مظاہریاں وچ اسرائیلی فوجیاں دی فائرنگ نال تقریباً 200 فلسطینی جان بحق تے 21 ہزارتوں ودھ مظاہرین زخمی ہوچکے نیں۔

دوجیاں خبراں

Back to Top