انڈونیشیا وچ 7.5 شدت دا زلزلہ، 40 افراد ہلاک

نيوز ڈیسک , بول نيوز

ہفتہ - 29ستمبر 2018, 05:42AM

  • 429
  • بین الاقوامی
prev next

انڈونیشیا وچ  شدید زلزلے تے سونامی نال کم از کم 40 افراد ہلاک تےکئی زخمی ہوگئے۔

 

تفصیلاں دے مطابق انڈونیشیادے جزیرے سولاویسی تے شہر پالووچ   زلزلے تے سونامی دے نتیجے وچ  ہلاک ہون  والے افراد دی تعداد 40 ہوگئی اے جدکہ زلزلے دے نتیجے وچ کئی عمارتاں نوں نقصان پہنچیااے تے درجناں افراد زخمی نیں۔

 

غیر ملکی خبر رساں ادارے دا کہناسی کہ آفٹر شاکس دے بعد سونامی دی 10 فٹ لہراں نے شہروچ  تباہی مچادتی جس دے باعث شہر وچ  درجناں عمارتاں زمین بوس ہوگئیاں۔

 

ریکٹر اسکیل تے زلزلے دی شدت 7.5 ریکارڈ کیتی گئی اے، امریکی جیولوجیکل سروے دے مطابق زلزلہ زیر زمین 10 کلومیٹر گہرائی وچ سی جدکہ ایس دا مرکز  پالو شہر دے کول واقع ماہی گیراں دے قصبے ڈونگ گالا توں 27 کلو میٹر دور سمندر وچ سی جس دے نتیجے وچ  سونامی دی 10 فٹ لہراں پیدا ہوئی۔

 

 غیر ملکی میڈیا دے مطابق مقامی اسپتال دے ڈاکٹرز دا کہینا اے کہ ہسپتال وچ 40 توں ودھ لاشاں تے12 زخمی لیائے گئے نیں۔

 

زلزلے دے باعث پالو شہر تے ایس دے قریبی علاقیاں وچ  بجلی تے مواصلاتی رابطیاں دا نظام درہم برہم ہوگیادے جس دی وجہ نال امدادی کماں وچ  مشکلاں دا سامنا اے۔

دوجیاں خبراں

Back to Top