مقبوضہ کشمیر:بھارتی فورسزدی کارروائی،5کشمیری شہید

نيوز ڈیسک , بول نيوز

ہفتہ - 22ستمبر 2018, 06:44PM

  • 441
  • بین الاقوامی
prev next

مقبوضہ کشمیر دے علاقے بانڈی پورہ وچ بزدل بھارتی فوج نے ہور 5 نوجواناں نوں شہید کردتا۔

کشمیر میڈیا سروس دے مطابق غاصب بھارتی فوج نے نوجواناں نوں ضلع بانڈی پورہ دے علاقے سملر وچ محاصرہ کرکے شہید کیتا۔

کٹھ پتلی انتظامیہ نے نوجواناں دی شہادت تے مظاہرے روکن لئی ضلع بانڈی پورہ وچ وڈی تعداد وچ بھارتی فوجی تے پولیس اہلکار تعینات کردتے۔

انتظامیہ نے طالب علماں نوں احتجاجی مظاہریاں توں روکن لئی ڈگری کالج بانڈی پورہ سنے سارے سرکاری تے نجی تعلیمی ادارے  بند رکھن دا اعلان کیتا اے۔

تازہ ترین اطلاعواں دے مطابق کشمیریاں نے قابض فورسز دے خلاف مظاہرے شروع کردتے نیں جدکہ قابض اہلکاراں نے مظاہرین نوں منتشر کرن لئی پیلٹ گن استعمال کیتا تے آنسو گیس دی شیلنگ کیتی اے۔

دوجیاں خبراں

Back to Top