بھارتی فوج جھوٹا ڈرامہ رچارئی اے، وزیراعظم آزاد کشمیر

نيوز ڈیسک , بول نيوز

اتوار - 30ستمبر 2018, 02:13PM

  • 153
  • قومی
prev next

 

 

وزیراعظم آزاد کشمیر نے کیہا اے کہ بھارتی فوج جھوٹا ڈرامہ رچا رئی اے،اسیں اپنی حدود وچ سی ، صاف نظر آرہیا اے کہ بھارت بوکھلایا ہویا اے۔اینہاں خیالاں دا اظہار اونہاں نے بھارتی فوج ولون اونہاں دے ہیلی کاپٹر نوں نشانہ بنان تےر ردعمل دیندے ہوئے کیتا، راجہ فاروق حیدر نے کہیا کہ وزیراں دےنال  ہیلی کاپٹر وچ اپنی حدود وچ سی، کوئی گن شپ ہیلی کاپٹر نئیں، پرائیویٹ ہیلی کاپٹر سی ، خطے وچ جنگی جنون نئیں چاہندے۔

وزیراعظم آزاد کشمیر نے کہہا کہ صاف نظر آرہیا اے بھارت بوکھلایا ہویا اے، کشمیری بھارت دے سامنے دفاع وچ  فرنٹ لائن بنن گے، پرواز دے دوران ایل او سی دے نیڑے توں  لنگ رئیا سی  جیہدے تے علاقے دے اوتے پرواز کررئے سی اوتھے  بھارتی فوج گولہ باری کردی اے۔راجہ فاروق حیدر نے کیہا کہ سویلین ایئرکرافٹ زیرو لائن تک جاسکدا اے، فوجی ایئر کرافٹ دی پرواز توں  پہلاں اطلاع دتی جاندی اے، بھارتی فوج نے ایہہ ظاہر کیتا کہ فضائی حدود دی خلاف ورزی ہوئی، بھارتی فوج نے ڈرامہ رچایا اسیں اپنی حدود وچ سی ،واضح رہوے کہ سرجیکل اسٹرائیک دا دعویٰ کرن والی اشتعال انگیز بھارتی فوج نے لائن آف کنٹرول دے نیڑےفضا وچ اڈن والے ہیلی تے بلا اشتعال فائرنگ کیتی سی، بھارتی فوج نے راجہ فاروق حیدر دے ہیلی کاپٹر نوں اوُس ویلے نشانہ بنایا کہ جہدوں اوہ آزاد کشمیر دے پنڈ تروڑی دے نیڑے سفر کررئے سن .وزیراعظم آزادکشمیرچوہدری عبد العزیز دے بھراد وفات تےتعزیت لئی  تشریف لے گئے سن  واپسی تےبھارتی چیک پوسٹ توں اُونہان دے ہیلی کاپٹرتےفائرنگ کیتی گئی جیہدے بعد اُونہاں دے ہیلی کاپٹر نوں  حفاظت نال اتار لیا گیا۔

دوجیاں خبراں

Back to Top