بھارتی آرمی چیف دی فیرہرزہ سرائی

نيوز ڈیسک , بول نيوز

پیر - 24ستمبر 2018, 10:49AM

  • 500
  • بین الاقوامی
prev next

بھارتی آرمی چیف بپن راوت نے اک وار فیر دھمکی دیندے ہوئے کہیا کہ سانوں اک ہور سرجیکل اسٹرائیک دی لوڑ اے ، پر تفصیل نئیں دس سکدا ، پاکستان نوں معمول دے تعلقات لئی قدم چکے ہون گے ۔

تفصیلاں دے مطابق بھارتی آرمی چیف بپن راوت دی اک وار فیر ہرزہ سرائی کردے ہوئے کہیا پاکستان اتے اک ہور سرجیکل اسٹرائیک دی لوڑ اے ، پر تفصیل نئیں دس سکدا ، پاکستان معمول دے تعلقات چاہندا اے تے اوہنوں اقدام کرنے ہون گے ، مذاکرات تے دہشت گردی اک نال نئیں چل سکدے۔

بھارتی آرمی چیف دا آکھنا سی کہ بھارتی حکومت دا پاکستان توں مذاکرات نہ کرن دا فیصلہ درست اے، دہشت گرد ختم کرن لئی جدیدٹیکنالوجی دی لوڑ اے ۔

یاد روے دو دیہاڑے پہلاں وی بھارتی آرمی چیف بپن راوت نے پاکستان نوں براہ راست دھمکیاں دیندے ہوئے آکھیا سی کہ مذاکرات تے دہشت گردی نال نئیں چل سکدے ، پاکستان توں بدلہ لین دا ویلا آگیا اے۔

بھارتی آرمی چیف دا آکھنا سی کہ اسیں پاکستان نوں سرپرائز دین گے، اوہناں وی اوہ ای درد محسوس ہونا چاہیدا اے ، جیہڑا اسیں برداشت کیتا اے۔

جیہدے بعد پاک فوج دے ترجمان میجر جنرل آصف غفور نے بھارتی آرمی چیف دی دھمکی دا جواب دیندے ہوئے آکھیا سی کہ کسے نے ساڈےصبر دا صبر دا امتحان لیتا تے پاک فوج قوم نوں مایوس نئیں کرے گی، پاکستان جنگ لئی تیار اے ، کسے وی قسم دی کارروائی ہوئی تے پاکستان اوہدا بھرواں جواب دوے گا۔

اوہناں دا آکھنا سی کہ پاکستان دی حکومت نے ہن وی مذاکرات دی دعوت دتی اے جدکہ بھارت ہمیشہ مذاکرات توں نس دا اے،  بھارتی فوج سرجیکل اسٹرائیک دا جواب اپنی پارلیمنٹ وچ ہجے تیکر نئیں دسے سکی ، بھارتی فوج توجہ ہٹان لئی جنگ ول رخ موڑ رئی اے ۔

دوجیاں خبراں

Back to Top