بھارت ولوں کیمیائی ہتھیاردااستعمال،قنون دی خلاف ورزی اے،دفترخارجہ

نيوز ڈیسک , بول نيوز

جمعرات - 4اکتوبر 2018, 12:54PM

  • 294
  • قومی
prev next

 

 

دفتر خارجہ دے ترجمان ڈاکٹر محمد فیصل نے کہیا اے کہ بھارت کشمیر وچ کیمیائی ہتھیاریاں دا استعمال کر رئیا اے جیہڑا عالمی قنوناں دی کھلی خلاف ورزی اے۔

ہفتہ وار بریفنگ دے دوران ترجمان نے دسیا کہ پچھلے دو ہفتیاں وچ بھارت نے 18 کشمیریاوں نوں شہید کیتا تے بھارتی افواج نے باندی پورہ وچ کیمیائی ہتھیاریاں دا استعمال کیتا۔

ڈاکٹرمحمد فیصل نے کہیا کہ کیمیائی ہتھیاریاں دا استعمال عالمی قنون دی خلاف ورزی اے، پاکستان کشمیریاں تے بھارتی ظلماں دی مذمت کردا اے ۔

اوہناں دا آکھنا سی کہ پاکستان پرامن ہمسائیگی دی پالیسی اتے عمل کررئیا اے تے پاکستان تے بھارت دے وچکار تنازعیاں تے مسئلیاں دے حل لئی مذاکرات ای اگے ودھن دا کلا رستہ نیں۔

دفتر خارجہ دے ترجمان ڈاکٹر محمد فیصل نے ہور آکھیا کہ پاکستان دے امریکہ دے نال تعلقات مثبت سمت وچ نیں۔

اوہناں نے آکھیا کہ وزیر خارجہ شاہ محمود قریشی نے وکھووکھ ملکاں دے مندوب نال ملاقاتاں دے دوران اہم مسئلیاں اتے پاکستان دا نکتہ نظر پیش کیتا۔

ترجمان نے کہیا کہ وزیرخارجہ نے دوٹوک لفظاں وچ آکھیا کہ قومی مفاداں اتے کوئی سمجھوتہ نئیں کیتا جاوے گا۔

دوجیاں خبراں

Back to Top