اسلام آباد ہائیکورٹ نے سابق صدرنیشنل بینک دی برطرفی نوں ٹھیک قراردے دتا

نيوز ڈیسک , بول نيوز

پیر - 24ستمبر 2018, 06:55AM

  • 194
  • عدالت
prev next

 اسلام آباد ہائی کورٹ نے سابق صدر نیشنل بینک سعید احمددی برطرفی نوں درست قرار دے دتا۔

تفصیلاں دے مطابق اسلام آباد ہائی کورٹ وچ  جسٹس اطہرمن اللہ دی سربراہی وچ  سابق صدر نیشنل بینک سعید احمد دی درخواست تےسماعت ہوئی۔

عدالت نے سماعت دے دوران ریمارکس دتے کہ قانون دے مطابق سعید احمد دے خلاف ریفرنسز فائل نیں، اینھاں دےخلاف الزامات وی ویکھے گئے نیں۔

اسلام آباد ہائی کورٹ نے ریمارکس دتے کہ سعید احمد تےاسحاق ڈارلئی منی لانڈرنگ کرن دا الزام سی تےخود استعفیٰ دینا چاہیداسی ۔

عدالت نے ریمارکس دتے کہ سعیداحمد دا منی لانڈرنگ دا ریفرنس زیرسماعت اے تےہائی کورٹ کیہ  کرے، سعیداحمد دے حق  وچ  فیصلہ دین تےانصاف دے تقاضے پورے نئیں ہون گے۔

بعدازاں اسلام آباد ہائی کورٹ نے سابق صدرنیشنل بینک سعید احمد دی برطرفی نوں درست قرار دے دتا۔

یاد روے کہ گزشتہ ماہ وفاقی کابینہ ولوں عہدے توں  برطرف کیتے جان  والے سابق صدر نیشنل بینک سعید احمد نے برطرفی اسلام آباد ہائی کورٹ وچ  چیلنج کیتی سی۔

دوجیاں خبراں

Back to Top