حرمین ٹرین سروس شروع

نيوز ڈیسک , بول نيوز

جمعه - 5اکتوبر 2018, 01:37PM

  • 222
  • بین الاقوامی
prev next

 

 

سعودی پبلک ٹرانسپورٹ اتھارٹی نے باقاعدہ طریقے نال حرمین ٹرین شروع کرن دی نویں تریخ مقرر کردتی۔ حرمین ٹرین 11اکتوبر توں چلن لگے گی ۔

تفصیلاں دے مطابق ٹرین سروس دی باقاعدہ شروعات گیارہ اکتوبر2018ء توں کیتی جاوے گی ۔ ایہہ ٹرین مملکت دے 5 اہم سٹیشناں مکہ معظمہ، جدہ، شاہ عبدالعزیز بین الاقوامی ہوائی اڈے، شاہ عبداللہ اکنامک سٹی تے مدینہ منورہ توں  گزرے گی۔

سعودی عرب دے جنرل ٹرانسپورٹ اتھارٹی دے ڈائریکٹر جنرل ڈاکٹر رمیح الرمیح نے اک بیان وچ دسیا کہ تکنیکی مشکلاں دے باوجود اوہ حرمین ریل گڈی دے غیرمعمولی منصوبے نوں مکمل کرن وچ کامیاب رئے نیں۔ ایہہ ٹرین پہاڑی علاقیاں ، ریتلے میداناں، ساحلی پٹی تے میدانی علاقیاں توں گزرے گی۔ حجاج تے معتمرین لئی ایہہ اک بوہت ای چنگا تحفہ اے ، جیہڑا اوہناں نوں ملک دے اندر گھٹ توں گھٹ ویلے وچ اک تھاں توں دوجی تھاں اتے اپڑان وچ مدد فراہم کرے گا۔

مجموعی طور تے حرمین ٹرین دے ٹریک دی لمبائی 450 کلو میٹر اے۔ دونویں پاسے دے ٹریک اتے اک ای ویلے وچ 35 بوگیاں چلائیاں جان گیاں۔ حرمین ٹرین 300 کلو میٹر اک گھنٹے دی رفتار نال سفر کرے گی تے ہر دیہاڑے اوسطا اک لکھ 60 ہزار جد کہ ہر ورھے 6 کروڑ افراد سفر کرن گے۔

دوجیاں خبراں

Back to Top