پاکستان نوں طاقت نال زیرکرناممکن نئیں،چیف جسٹس

نيوز ڈیسک , بول نيوز

ہفتہ - 22ستمبر 2018, 12:19PM

  • 428
  • عدالت
prev next

چیف جسٹس آف پاکستان جسٹس ثاقب نثار دا آکھنا اے کہ پاکستان نوں طاقت دے ذریعے زیر کرنا ممکن نئیں اے۔

چترال ڈسٹرکٹ بار ایسوسی ایشن وچ وکیلاں نال خطاب کردے ہوئے چیف جسٹس آف پاکستان نے آکھیا کہ اک ای شے دا پرچار کردا رواں گا ، سانوں پاکستانیت نوں اجاگر کرن دی ضرورت اے، پاکستان نال محبت کرو، مسئلے خود ای حل ہوجان گے، سانوں دیانتداری اپنانی چاہیدی اے تے ایہدی شروع اپنی ذات توں ای کرنا ہووے گی ۔

چیف جسٹس ثاقب نثار دا آکھنا سی کہ سانوں ایس ویلے پانی سخت کمی دا سامنا اے ، ویلے اتے قدم نہ چکےگئے تے آن والے وقت وچ حالات ہور گھمبیر ہوجان گا۔

ایس دوران چیف جسٹس نے لواری ٹنل نوں 24 گھنٹے کھلا نہ رکھن دا نوٹس لیندے ہوئے نیشنل ہائی وے اتھارٹی توں 5 دیہاڑیاں وچ جواب وی منگ لیا اے ۔

چیف جسٹس نے بوٹی تے دروش وچ ججز دی کمی نوں پورا کرن دا حکم دتا جدکہ پشاور وچ سرکٹ بینچ تے سنگل بینچ دے قیام دا وی اعلان کیتا ۔

ایس توں پہلاں چیف جسٹس آف پاکستان نے ڈسٹرکٹ ہیڈ کوارٹر ہسپتال چترال دا معائنہ وی کیتا تے ہسپتال وچ سٹاف تے دوائیاں دی کمی نوں دور کرن لئی تن مہینیاں دی مہلت دے دتی۔

دوجیاں خبراں

Back to Top