حکومت روزگاردےموقعےپیداکرن لئی کم کررئی اے،اسد عمر

نيوز ڈیسک , بول نيوز

جمعه - 5اکتوبر 2018, 04:53AM

  • 58
  • حکومت
prev next

وزیرخزانہ اسد عمر دا آکھنا اے کہ حکومت نوکریاں دے موقعے پیدا کرن لئی کم کررئی اے ۔

تفصیلاں دے مطابق وفاقی دارالحکومت اسلام آباد وچ وزیر خزانہ نے ایشیائی ترقیاتی بینک دے نائب صدر وینکائی ژہینگ نال ملاقات کیتی۔

وزیرخزانہ نے آکھیا کہ حکومت روزگار دے موقعے پیدا کرن ، ہنر سکھان ، برآمدات وچ مسابقت ، نکے تے درمیانے درجے دیاں صنعتاں تے انفارمیشن ٹیکنالوجی دے شعبے وچ کم کررئی اے ۔

اوہناں نے آکھیا کہ وکھووکھ سرکاری اداریاں وچ تکنیکی معاونت دے ذریعے استعداد کار ودھان دے سلسلے وچ ایشیائی ترقیاتی بینک دی پیشکش دا خیرمقدم کیتا اے۔

اس موقع پرایشیائی ترقیاتی بینک کے نائب صدروینکائی ژہینگ دا آکھنا سی کہ ایشیائی ترقیاتی بینک پاکستان دے نال اپنی شراکت داری نوں وادھا دین لئی پرعزم اے۔

یاد روے کہ پچھلے مہینے وزیرخزانہ اسد عمر دا آکھنا سی کہ قرضے واپس کرن لئی نئیں ، قرضیاں اتے سود دین لئی قرضے لے رئے آں ، سارے چکے گئے قدماں دا نتیجہ آن وچ کجھ ویلا لگے گا ، ساڈے کول ویلا نئیں ایس لئی ایہہ قدم چک رئے آں۔

دوجیاں خبراں

Back to Top