حکومت داپیٹرولیم مصنوعات دی قیمتیاں نہ ودھان دافیصلہ

نيوز ڈیسک , بول نيوز

ہفتہ - 29ستمبر 2018, 07:20PM

  • 157
  • حکومت
prev next

 

 

وفاقی حکومت نے پیٹرولیم مصنوعات دی قیمتاں نہ ودھان دافیصلہ کیتا اے۔وفاقی وزیر خزانہ اسد عمر نے پیٹرولیم مصنوعات دی قیمتاں وچ  وداھا نہ کرن دا اعلان کیتا۔ بنی گالہ وچ غیر رسمی گل بات وچ اونہاں دا کہینا سی  کہ حکومت نے پیٹرولیم مصنوعات دی قیمتیاں نہ ودھان  دا فیصلہ کیتا اے جیہدے بعد یکم اکتوبر توں پٹرولیم مصنوعات دی موجودہ قیمتیاں برقرار رہین گئیاں ۔وزیراعظم عمران خان نال وزیرخزانہ اسدعمر نے بنی گالا وچ ملاقات کیتی جیہدے وچ  وزیر خزانہ نے وزیراعظم نوں ملکی مجموعی معاشی صورتحال توں آگاہ کیتا۔ذرائع دے مطابق وزیرخزانہ نے وزیراعظم نوں پیٹرولیم مصنوعات توں متعلق وی آگاہ کیتا جیہدے تے وزیراعظم عمران نے اسد عمر نوں پیٹرولیم مصنوعات دی قیمتیا ودھان توں روک دتا۔وزیر اعظم نے ہدایت کیتی کہ پیٹرولیم مصنوعات دی موجودہ قیمتیاں  برقرار رکھیاں جان تےعوام تےکوئی وادھو بوجھ نئیں پانا  چاہندے۔یاد رہوے کہ گزشتہ روز اوگرا ولوں پٹرولیم مصنوعات مہنگی کرن  دی سمری پٹرولیم ڈویژن نوں ارسال کر دتی گئی سی جیہدے  وچ پٹرول تےڈیزل 4، 4 روپئے فی لیٹر مہنگا کرن دی تجویز دتی گئی سی۔ایس توں علاوہ اوگرا نے مٹی دا تیل تے لائٹ ڈیزل وی 3، 3 روپئے فی لیٹر مہنگا کرن دی تجویز دتی سی۔

دوجیاں خبراں

Back to Top