غزہ:اسرائیلی فائرنگ نال7فلسطینی مظاہرین شہید

نيوز ڈیسک , بول نيوز

ہفتہ - 29ستمبر 2018, 12:07PM

  • 38
  • بین الاقوامی
prev next

 

 

غزہ تے اسرائیل دی سرحد اتے جمع ہون والے مظاہرین تے اسرائیلی فوج دی فائرنگ نال دو نکی عمر دے منڈیاں سنے 7 بندے شہید ہوگئے نیں۔

غزہ دے محکمۂ صحت دا آکھنا اے کہ جمعے نوں سرحد اتے 5 وکھووکھ تھاواں تے اسرائیلی فوج دے نال جھڑپاں وچ 505 بندے زخمی ہوئے نیں جیہناں وچوں 89 نوں گولیاں لگیاں نیں۔

واقعہ جمعے نوں غزہ دی سرحد اتے ہون والے ہفتہ وار مظاہریاں دے دوران پیش آیا جیہناں دا سلسلہ پچھلے 6 مہینیاں توں جاری اے۔

 

فلسطینی حکام دے مطابق اسرائیلی فائرنگ نال کل 7 مظاہرین شہید ہوئے جیہناں وچ 11 تے 14 ورھے دے دو منڈے وچ شامل نیں۔

غزہ دے رہائشیاں ولوں اسرائیل دی سرحد اتے ہر جمعے نوں کیتے جان والے ایہناں مظاہریاں دا سلسلہ مارچ وچ شروع ہویا سی۔

مظاہرین اپنی آبائی زمیناں دی واپسی دا مطالبہ کر رئے ہیں جتھوں اوہناں نوں 1948ء وچ اسرائیل دے قیام دے ویلے زبردستی کڈھ دتا گیا سی تے اوہناں نوں مجبوری دے تحت ہجرت کرنا پئی سی۔

ایس ورھے مارچ توں جاری ایہناں مظاہریاں دے خلاف اسرائیلی فوج طاقت دا شدید استعمال کر رئی اے جیہدے نتیجے وچ ہن تیکر 191 فلسطینی شہید ہوچکے نیں۔

مئی دے وسط وچ مظاہرین اتے اسرائیلی فوج دی فائرنگ نال اک دیہاڑے وچ 60 بندے شہید ہوئے سن۔

دوجیاں خبراں

Back to Top