فیصل رضاعابدی جوڈیشل ریمانڈاتےجیل منتقل

نيوز ڈیسک , بول نيوز

ہفتہ - 13اکتوبر 2018, 12:11PM

  • 293
  • عدالت
prev next

عدالت نے سابق سینیٹر فیصل رضا عابدی نوں جوڈیشل ریمانڈ اتے اڈیالہ جیل گھلن دا حکم دے دتا اے ۔

اسلام آباد دی ڈسٹرکٹ اینڈ سیشن جج سہیل ناصر دی عدالت وچ سابق سینیٹر فیصل رضا عابدی دے خلاف مقدمے دی سماعت ہوئی جیہدے سلسلے وچ پولیس نے سابق سینیٹر نوں عدالت دے سامنے پیش کیتا۔

معزز جج نے فیصل رضا عابدی دی گرفتاری اتے حیرت دا اظہار کردے ہوئے آکھیا کہ پولیس نوں جو ہورئیا اے اوہ وکھائی کیوں نئیں دے رئیا، ایہہ امتیاز سلوک کیوں؟ حیرت ہو رئی اے کہ اسلام آباد دی پولیس اینھی ذمےوار کیویں ہو گئی اے ، ایتھے تے لوکی درخواستاں دے دے مر جاندے نیں ۔ کوئی کارروائی نئیں ہوندی ،اک بندہ سپریم کورٹ وچ پیشی دے بعد نکل رئیا سی اوہنوں گرفتار کرلیتا گیا ۔

معزز جج نے ریمارکس دتے کہ میں کسے دی حمایت نئیں کررئیا ، صرف برابری دے نظام دی گل کررئیا آں ۔

عدالت نے ہور ریمارکس دتے کہ سیون اے ٹی اے تے مخول ای بن گیا اے جیہدے تے دل کرے دہشتگردی دیاں دفعات لا دتیاں جاندیاں نیں۔

تازہ ترین خبریں