پاکستان تے سعودی وزرائے خارجہ وچکار اہم ملاقات،سانجھے تعاون ہور  مضبوط کرن تے ات

نيوز ڈیسک , بول نيوز

جمعرات - 27ستمبر 2018, 06:50AM

  • 77
  • حکومت
prev next

 

وزیر خارجہ شاہ محمود قریشی تےسعودی عرب دے وزیر خارجہ عادل بن الجبیر دے وچکار ملاقات ہوئی جہدے وچ سانجھے تعاون دے خاطر خواہ نتئجے حاصل کرن لئی  رابطیاں دے عمل نون جاری رکھن  تے اتفاق کیتا گیا۔ تفصیلات دے مطابق پاکستان تے سعودی عرب دے وزرائے خارجہ نے دوناوں ملکاں وچکا ر ودھدے ہوئے تعلقات تے اطیمنان دا اظہار کیتا اے۔ نیویارک وچ اقوام متحدہ دے ہیڈ کوارٹرز تےجنرل اسمبلی دے 73ویں اجلاس دے موقع تے وزیر خارجہ شاہ محمود قریشی تے سعودی عرب دے وزیر خارجہ عادل بن الجبیر وچکا رملاقات ہوئی۔دونواں وزرائے خارجہ نے گزشتہ ہفتے وزیراعظم عمران خان دے انتہائی کامیاب دورہ سعودی عرب دے موقع تے دونواں ملکاں دی قیادت دی علاقائی تےعالمی مسائل تےہم آہنگی دا ذکر کردے ہوئے اتفاق کیتا کہ سانجھے تعاون دے خاطر خواہ نتئجے حاصل کرن  لئی رابطیاں دے عمل نوں جاری رکھیا جاوئے گا۔ وزیر خارجہ شاہ محمود قریشی نے وزیراعظم عمران خان دے سعودی عرب دے دورہ دے موقع تےخادم الحرمین شریفین شاہ سلمان تےولی عہد محمد بن سلمان ولوں شاندار مہمان نوازی تے نیک جذبیاں دا اظہار کیتا۔ دونواں وزرائے خارجہ نے دوطرفہ تجارت، کاروبار تے سرمایہ کاری نوں فروغ دین  لئی  سانجھے رابطیاں نوں  ہور  ودھان  تے وی اتفاق کیتا۔

 

دوجیاں خبراں

Back to Top