فلیگ شپ ریفرنس،سماعت4اکتوبرتیکرملتوی

نيوز ڈیسک , بول نيوز

پیر - 1اکتوبر 2018, 06:41AM

  • 217
  • عدالت
prev next

احتساب عدالت وچ سابق وزیراعظم نوازشریف دے خلاف فلیگ شپ ریفرنس دی سماعت 4 اکتوبر تیکر ملتوی ہو گئی۔

تفصیلاں دے مطابق نوازشریف دے خلاف فلیگ شپ ریفرنس دی سماعت احتساب عدالت دے جج محمد ارشد ملک نے کیتی۔

سابق وزیراعظم نوازشریف تے اوہناں دے وکیل خواجہ حارث احتساب عدالت وچ پیش نہ ہوئے۔

خواجہ حارث دے معاون وکیل نے عدالت کو دسیا کہ خواجہ صاحب دی طبیعت خراب اے ، معزز جج نے آکھیا کہ اینج نئیں ہوندا کہ ملزم اپنی مرضی نال آوے۔ نیب دے وکیل نے کہیا کہ نواز شریف نے حاضری توں استثنیٰ دی درخواست وی دائر نئیں کیتی ، ایہہ مرضی نال عدالت نوں چلانا چاہندے نیں۔

 خواجہ حارث دے معاون وکیل نے آکھیا کہ جیویں دے لفظ استعمال کیتے جا رئے نیں اوہ نئیں کرنا چاہندا ،ک نیب دے وکیل نے آکھیا کہ معاون وکیل دی موجودگی وچ گواہ دا بیان قلمبند کیتا جاوے۔ احتساب عدالت دے جج نے آکھیا کہ 5منٹاں وچ پتا کرکے دسو نئیں تے نواز شریف دے وارنٹ جاری کیتے جان گے۔ معاون وکیل نے عدالت نوں دسیا کہ نواز شریف نال گل ہوئی اے اوہناں دا آکھنا کہ اوہ الجھن دا شکار سن ، الجھن دی وجہ توں تریخاں اتے حاضر نئیں ہوسکدے۔

 احتساب عدالت دے جج محمد ارشد ملک نے کہیا کہ نواز شریف دا الجھنا بندا اے ، باقی وکیل وی الجھن دا شکار ہوگئے سن۔؛

خواجہ حارث دے معاون وکیل منور دوگل نے نواز شریف دی حاضری توں استثنیٰ دی درخواست دائر کیتی جیہنوں عدالت نے منظور کردے ہوئے سماعت 4 اکتوبر تیکر ملتوی کردتی۔

دوجیاں خبراں

Back to Top