وفاقی کابینہ نےاپناہاؤسنگ سکیم دی منظوری دےدتی،فوادچوہدری

نيوز ڈیسک , بول نيوز

جمعرات - 11اکتوبر 2018, 11:35AM

  • 176
  • حکومت
prev next

وفاقی وزیر اطلاعات فواد چوہدری دا آکھنا اے کہ وفاقی کابینہ دے اجلاس وچ اپنا ہاؤسنگ سکیم دی منظوری دتی گئی۔ سرکاری زمین اتے قرضہ لے کے گھر بنائے جان  گے۔ گھراں لئی بینک قرضہ فراہم کرن گے۔

 

وزیر اعظم دے کابینہ اجلاس دی صدارت دے بعد وفاقی وزیر اطلاعات فواد چوہدری نے میڈیا بریفنگ دیندے ہوئے آکھیا کہ اپنا گھر کھڑا کرن تے ڈاکوواں توں پیسہ برآمد کرن دی کوشش کر رئے آں۔

اوہناں نے آکھیا کہ سپیکر قومی اسمبلی نے شہباز شریف دے پروڈکشن آرڈر جاری کیتے نیں، ریمانڈ دے دوران ملزم دے پروڈکشن آرڈر جاری نئیں ہوسکدے، سپیکر نے وڈے دل دا مظاہرہ کردے ہوئے پروڈکشن آرڈر جاری کیتے۔

اوہناں نے آکھیا کہ پارلیمنٹ وچ ذاتی طور تے اک قرارداد جمع کرا رئیا آں ، قرارداد دے مطابق بدعنوان لوکاں توں متعلق اک کمیٹی بننی چاہیدی اے ۔

فواد چوہدری نے آکھیا کہ ایئر وائس مارشل (ر) ارشد نوں چیئرمین پی آئی اے تعینات کیتا جاوے گا۔ پی آئی اے اتے 406 ارب روپیے قرضہ اے، پی آئی اے ہر مہینے دو ارب روپیے نقصان کررئی اے ۔

وزیر اطلاعات نے کہیا کہ نیو اسلام آباد ایئر پورٹ منصوبے دا تخمینہ لاگت توں ودھ اے ، ایئرپورٹ منصوبے دا آڈٹ کرن دا فیصلہ کیتا گیا اے۔

اوہناں نے آکھیا کہ نیب وچ ہائی پروفائل کیسز نوں تیز کرن دا فیصلہ کیتا گیا اے ۔ وزیر مملکت شہریار آفریدی نے قبضہ مافیا دے خلاف چنگا کم کیتا اے ۔

فواد چوہدری نے آکھیا کہ محمد میاں سومرو نجکاری کمیشن دے نویں چیئرمین ہون گے، وزیر مملکت شہریار آفریدی نوں ای سی ایل توں متعلق ٹاسک دتا گیا اے۔

دوجیاں خبراں

Back to Top