جعلی اکاؤنٹس کیس، جے آئی ٹی نے پہلی پیشرفت رپورٹ جمع کروا دتی

نيوز ڈیسک , بول نيوز

پیر - 24ستمبر 2018, 05:53AM

  • 73
  • عدالت
prev next

جعلی بینک اکاؤنٹس بارےکیس دی سپریم کورٹ وچ  سماعت ہوئی جیدے وچ جے آئی ٹی نے پہلی پیشرفت رپورٹ سیل شدہ لفافے وچ  سپریم کورٹ وچ  جمع کروا دتی۔

جے آئی ٹی دے سربراہ احسان صادق نے عدالت وچ  مؤقف اختیار کیتا اے کہ وقت دی کمی دے باعث مشکلاں دا سامنا ریا۔ ہن تیکر دی ہون  والی تحقیقات دا جائزہ لیا تےہور 33 مشکوک اکاؤنٹس دا سراغ لایا اے۔اینھاں نے ہورکہا کہ نویں سامنے آن  والے اکاؤنٹس دی اسکروٹنی جاری اے۔ ہن تیکر دی تحقیقات وچ  334 ملوث افراد سامنے آئے نیں تےسارے افراد اکاؤنٹس وچ  ٹرانزیکشنر کردے رئے۔ جعلی اکاؤنٹس دے نال 210 کمپنیاں دے روابط رئے۔

چیف جسٹس آف پاکستان میاں ثاقب نثار نے استفسار کیتا کہ کیہ ہن لانچز دا معلوم نئیں ہویا؟۔ ذرا لانچ دے ذریعے رقم منتقلی دا وی پتہ کرن۔ جے آئی ٹی سربراہ احسان صادق نے جواب دتا کہ ہن لانچ تک نئیں پہنچے۔چیف جسٹس نے کہیا کہ وڈے اعتماد دے نال جے آئی ٹی نوں ذمہ داری دتی اے۔ اکائونٹس دا مقصد یہی اے کہ چوری تے حرام دے پیسے نوں جائز بنایا جاوے جدکہ اک اہم کردار عارف خان وی اے۔

دوجیاں خبراں

Back to Top