توہین عدالت کیس: فیصل رضاعابدی گرفتار

نيوز ڈیسک , بول نيوز

بدھ - 10اکتوبر 2018, 08:34AM

  • 350
  • سیاست
prev next

 

 

اسلام آباد پولیس نے سابق سینیٹر فیصل رضا عابدی نوں سپریم کورٹ وچ پیشی دے بعد گرفتار کرلیا ۔

ایس توں پہلاں سپریم کورٹ وچ جسٹس عظمت سعید دی سربراہی وچ دو رکنی بینچ نے فیصل رضا عابدی دے خلاف توہین عدالت کیس سماعت کیتی جیہدے سلسلےوچ فیصل رضا عابدی عدالت وچ پیش ہوئے تے استدعا کیتی کہ اوہناں دے وکیل عمرے تے گئے نیں ایس لئی اوہناں دی واپسی یا دوجے وکیل دے کرن تیکر کیس ملتوی کیتا جاوے۔

عدالت نے فیصل رضا عابدی دی استدعا منظور کردے ہوئے سماعت 30 اکتوبر تیکر ملتوی کردتی تے اٹارنی جنرل نوں نوٹس جاری کردتا۔

یاد روے کہ فیصل رضا عابدی نے ایس کیس وچ راہداری ضمانت کرا رکھی اے۔

دوجے پاسے فیصل رضا عابدی جدوں سپریم کورٹ وچ پیشی دے بعد باہر آئے تے واپس جاندےہوئے شاہراہ دستور تے اسلام آباد پولیس نے اوہناں نوں گرفتار کرلیا۔ ۔

پولیس ذرائع دا آکھنا اے کہ فیصل رضا عابدی دے خلاف پچھلی رات تھانہ سیکرٹریٹ وچ اے ایس آئی شوکت عباسی دی مدعیت وچ نویں ایف آئی آر درج کیتی گئی اے جیہدے وچ اوہناں اتے اعلیٰ عدلیہ دے خلاف توہین آمیز بیانات دین دا الزام اے۔

دوجیاں خبراں

Back to Top