پنجاب وچ میڈیکل دے داخلاں لئی انٹری ٹیسٹ

نيوز ڈیسک , بول نيوز

اتوار - 23ستمبر 2018, 01:55PM

  • 206
  • تعلیم
prev next

 

 

پنجاب دے میڈیکل کالجزوچ داخلے لئی انٹری ٹیسٹ لیا جا رہیا اے جہیدےوچ 66 ہزار امیدوار حصہ لے رئے نیں۔تفصیلات دے مطابق یونیورسٹی آف ہیلتھ سائنسز دے زیر اہتمام پنجاب دے میڈیکل کالجز وچ  داخلے لئی انٹری ٹیسٹ لیا جا رہیا اے۔انٹری ٹیسٹ لئی13 شہراں وچ 28مرکز قائم کیتے گئے نیں جنہاں وچ66 ہزارتوں ودھ امیدوار حصہ لے رئے نیں جیہدےوچ42 ہزار طالبات تے 24 ہزار طلبہ شامل نیں۔پنجاب دے دارالحکومت لاہوروچ میڈیکل کالجزوچ داخلہ ٹیسٹ لئی7 امتحانی مراکز قائم کیتے گئے نیں جنہاں وچ19 ہزارتوں ودھ امیدوار میڈیکل کالجزوچ داخلے لئی ٹیسٹ دے رئے نیں۔

گوجرانوالہ وچ3610 امیدوار میڈیکل کالج وچ داخلہ ٹیسٹ لئی امیدوارنیں جدکہ یونیورسٹی آف گجرات وچ1323 طالبات تے1323 طلبہ ٹیسٹ دے رئے نیں۔

سرگودھا میڈیکل کالجزوچ داخلے دے انٹری ٹیسٹ وچ2803 امیدوار حصہ لے رئے نیں جیہدے لئی200 توں ودھ بندیاں تےمشتمل عملہ ڈیوٹی دے رہیا اے۔یونیورسٹی آف ہیلتھ سائنسز دے مطابق میڈیکل کالجز وچ داخلے لئی ٹیسٹ دے دوران امتحانی مراکز وچ دفعہ 144 وی نافذ کیتی گئی اے۔واضح رہوے کہ 3405 نشستاں لئی پنجاب دے 17 سرکاری میڈیکل کالجز وچ انٹری ٹیسٹ ہورئے نیں۔

دوجیاں خبراں

Back to Top