بجلی دی قیمت وچ وادھا،فیصلہ اک ہفتےلئی موخر

نيوز ڈیسک , بول نيوز

منگل - 25ستمبر 2018, 01:59PM

  • 299
  • حکومت
prev next

وفاقی حکومت نے اقتصادی رابطہ کمیٹی (ای سی سی) دے اگلے اجلاس تیکر بجلی دیاں قیمتاں وچ وادھے دا فیصلہ مؤخر کردتا اے ۔

وفاقی وزیر خزانہ اسد عمر دی صدارت ہیٹھ اقتصادی رابطہ کمیٹی (ای سی سی) دا اجلاس ہویا ، جیہدے وچ اک ہفتے لئی بجلی دیاں قیمتاں وچ وادھے نوں مؤخر کردتا اے ۔

کمیٹی نے اگلے اجلاس تیکر بجلی دیاں قیمتاں وچ وادھا نہ کرن دا فیصلہ کیتا اے ، ایس حوالے نال اگلے ہفتے ہون والے اقتصادی رابطہ کمیٹی اجلاس وچ فیصلہ کیتا جاوے گا۔

کمیٹی نے نیشنل الیکٹرک پاور ریگولیٹری اتھارٹی (نیپرا) تے پاور ڈویژن نوں اگلے تن توں پنج ورھیاں لئی پالیسی بنان دی ہدایت کیتی اے جیہدے نال بلاں دی وصولی ودھ توں ودھ یقینی ہووے۔ 

اجلاس وچ کمیٹی نے ہدایت کیتی کہ پالیسی وچ لائن لاسز گھٹ توں گھٹ کرن دا لائحہ عمل وی بنایا جاوے۔

کمیٹی نے گردشی قرضیاں دی وصولی صارفین توں نہ کرن دا وی فیصلہ کیتا اے تے حکومت اپنے وسیلیاں توں قرضہ پورا کرے گی۔

دوجیاں خبراں

Back to Top