انڈونیشیا:زلزلےتوں جان بحق بندیاں دی تعداد1200توں ودھ گئی

نيوز ڈیسک , بول نيوز

منگل - 2اکتوبر 2018, 10:43AM

  • 40
  • بین الاقوامی
prev next

انڈونیشیا دے جزیرے سولاویسی وچ زلزلے دے بعد تباہ کن سونامی نال ہلاکتاں دی تعداد 1234  ہو گئی اے۔

غیر ملکی خبر رساں اداریاں دے مطابق انڈونیشیا وچ تباہ کن زلزے تے سونامی دے بعد جاری امدادی کماں دے دوران لاشاں ملن دا سلسلہ جاری اے ۔

انڈونیشیا دی حکومت ولوں ہلاکتاں دے حوالے نال جاری کردہ تازہ اعدادوشمار وچ دسیا گیا کہ جزیرہ سولاویسی وچ ہلاکتاں دی تعداد 844 توں ودھ کے 1234 ہوگئی اے۔

 

 

 

 

 

 

 

 

اقوام متحدہ دے مطابق متاثرین صاف پانی تے کھان پین دی شیواں دی ترسیل نہ ہون تے بھک تے پیاس دا شکار نیں جدکہ ہسپتال زخمیاں نال بھرے ہوئے نیں۔

 اقوام متحدہ دا ہور آکھنا اے کہ دو لکھ بندیاں نوں فوری طور تے امداد دی لوڑ اے جیہناں وچ ہزاراں بچے وی شامل نیں۔

 

 

 

 

 

 

 

 

یاد روے کہ چار دیہاڑے پہلاں انڈونیشیا دے جزیرے سولا ویسی وچ 7.5 شدت دے زلزلے دے جھٹکیاں تے آفٹرشاکس دے بعد سونامی دی 10 فٹ بلند لہراں نے پالو شہر وچ وڈے پیمانے تے تباہی مچائی سی جیہدے نال عمارتاں ڈگ گئیاں ، سڑکاں تباہ تے بجلی دی ترسیل دا نظام معطل ہوگیا سی جدکہ کئی پنڈ پانی وچ ڈب گئے نیں۔

دوجیاں خبراں

Back to Top