ماڈل ایان علی دےناقابل ضمانت وارنٹ جاری

نيوز ڈیسک , بول نيوز

ہفتہ - 6اکتوبر 2018, 01:52PM

  • 145
  • عدالت
prev next

کرنسی اسمگلنگ کیس وچ عدالت نے ماڈل ایان علی دے ناقابل ضمانت گرفتاری وارنٹ جاری کردتے، عدالت نے کہیا کہ پرانے میڈیکل سرٹیفکیٹ اتے اینھا استثنیٰ نئیں دتا جا سکدا۔

تفصیلاں دے مطابق راولپنڈی دی کسٹمز عدالت وچ کرنسی سمگلنگ کیس دی سماعت جج ارشد حسین بھٹہ دی سربراہی وچ ہوئی ، ایان علی دی مسلسل عدم حاضری اتے عدالت نے سخت غصے دا اظہار کیتا ۔

ایان علی دے وکیل نے عدالت دے غصے دا جواب دیندے ہوئے ٓآکھیا کہ اوہناں دی موکل بیمار نیں ، اوہناں نوں عدالت توں استثنیٰ دتا جاوے۔

عدالت نے کہیا میڈیکل سرٹیفکیٹ پیش نئیں کیتا گیا، ملزمہ نوں پیش کیتا جاوے ، پرانے میڈیکل سرٹیفکیٹ اتے اینھا لما استثنیٰ نئیں دتا جا سکدا۔

 

محکمہ کسٹمز دے وکیل نے کہیا ایہہ لوکی بہانے بناندے تے عدالت دا ویلا ضائع کردے نیں ، اینھا عرصہ لنگھ گیا ملزمہ نوں جان بُجھ کے پیش نئیں کیتا جا رئیا، ایان علی دے پہلے وی دو وار وارنٹ جاری ہو چکے نیں۔

محکمہ کسٹمز نے استدعا کی کہ ملزمہ دے خلاف ناقابل ضمانت وارنٹ گرفتاری جاری کیتے جان۔

جیہدے بعد عدالت نے کرنسی سمگلنگ کیس وچ ماڈل ایان علی دے ناقابل ضمانت گرفتاری وارنٹ جاری کردتے تے سماعت 22 اکتوبر تیکر ملتوی کردتی۔

دوجیاں خبراں

Back to Top