پاکستان استحکام ول ودھ رئیااے،آرمی چیف

نيوز ڈیسک , بول نيوز

جمعه - 12اکتوبر 2018, 12:38PM

  • 98
  • دفاع/فوج
prev next

چیف آف آرمی  اسٹاف جنرل قمر جاوید باجوہ نے آکھیا اے کہ پاکستان تیزی نال استحکام ول ودھ رئیا اے۔

پاک فوج دے شعبہ تعلقات عامہ (آئی ایس پی آر) ولوں جاری کردہ بیان دے مطابق آرمی چیف جنرل قمر جاوید باجوہ نے برطانوی چیف آف ڈیفنس اسٹاف جنرل نکولسن نال ملاقات کیتی جتھے اپڑن تے پاک فوج دے سربراہ نوں گارڈ آف آنر وی پیش کیتا گیا۔

آرمی چیف تے برطانوی چیف آف ڈیفنس دے وچکار ملاقات وچ خطے دی سیکیورٹی صورتحال تے باہمی تعاون دے معاملیاں اتے وچاروٹاندرا کیتا گیا اے۔

برطانوی حکام نال وفد دی سطح اتے امن تے امان توں متعلق دوناں پاسے دے تعاون لئی مذاکرات وی ہوئے جیہناں وچ پاکستان تے افغانستان لئی برطانوی نمائندہ خصوصی گریتھ بائلے تے برطانوی نیشنل سیکیورٹی ایڈوائزر مارک سیڈویل وی شامل سن۔

ترجمان پاک فوج دے مطابق برطانوی قیادت نے دہشتگردی دے خلاف عظیم کامیابیاں، خطے وچ قیام امن تے سلامتی دی صورتحال تے پاکستان دی تعریف کیتی، ایس موقعے تے آرمی چیف جنرل قمر جاوید باجوہ نے کہیا کہ پاکستان تیزی نال استحکام ول ودھ رئیا اے ، سانجھے مفاداں لئی پاکستان تے برطانیہ دے باہمی تعاون نوں اگلے مرحلے تیکر لے جان نوں تیار آں۔

تازہ ترین خبریں