فیس بک کمیونٹی لیڈرشپ پروگرام،دوپاکستانی خواتین منتخب

نيوز ڈیسک , بول نيوز

منگل - 25ستمبر 2018, 08:05AM

  • 169
  • قومی
prev next

 

 

دنیا دی ساریاں توں وڈی سوشل ویب سائٹ فیس بک ولوں منعقد کیتے جان والے پہلے کمیونٹی لیڈر شپ پروگرام لئی دو پاکستانی خواتین نوں وی منتخب کر لیتا گیا اے۔

ایس لیڈر شپ پروگرام لئی ساری دنیا توں 6 ہزار امیدواراں دی درخواستاں موصول ہوئیاں جس میں سے 115 کمیونٹی لیڈر کاانتخاب کیا گیا جیہناں وچوں پاکستان توں کنول احمد تے نادیہ گانگجی نے اپنی تھاں بنائی ۔

فیس بک پہلی وار ایس پروگرام دا انعقاد کر رئیا اے، جیہدا مقصد دنیا بھر دے اوہناں لوکاں نوں تکنیکی تے مالی معاونت فراہم کرنا اے، جیہڑے سماج دی بہتری لئی کوششاں کررئے نیں۔

ایس پروگرام دے تحت انڈونیشیا، ملائیشیا، پاکستان، بھارت، بنگلا دیش، کمبوڈیا، آذربائیجان، امریکا، برطانیہ، مصر، اسرائیل،ارجنٹینا تے برازیل سنے کئی ملکاں دے بندیاں نے درخواستاں دتیاں سی۔

ایس پروگرام لئی منتخب ہون والے کمیونٹی لیڈرز نوں فیس بک ولوں تکنیکی تربیت دتے جان سنے اوہناں نوں 50 ہزار امریکی ڈالرز دی مالی معاونت وی فراہم کیتی جاوے گی۔

 ایس لیڈر شپ پروگرام وچ تھاں بنان والی کنول احمد نے عورتاں دے حق لئی’سول سسٹر پاکستان‘ نامی فیس بک پیچ دی شروعات کیتی سی تانجے خواتین اپنی آواز بلند کر سکن تے اک دوجے توں اپنے مسئلے شیئر کرسکن۔

ایسے طراں نادیہ گانگجی نے عورتاں نوں فیس بک اتے ’شی اوپس‘ دے ناں توں اک پلیٹ فارم فراہم کیتا جیہدا مقصد عورتاں نوں معاشی تے اقتصادی طور اتے مضبوط بنانا تے اوہناں نوں ڈیجیٹل دنیا وچ تھاں دینا اے ۔

دوجیاں خبراں

Back to Top