کینیڈانےآنگ سان سوچی دی شہریت مکادتی

نيوز ڈیسک , بول نيوز

جمعه - 28ستمبر 2018, 10:18AM

  • 232
  • بین الاقوامی
prev next

 کینیڈا نے روہنگیا مسلماناں دی نسل کشی تے جنگی جرماں تے چُپ لائے رکھن تے میانمار دی وزیراعظم آنگ سانگ سوچی دی اعزازی شہریت ختم کرن دا فیصلہ کر لیا۔

غیر ملکی خبر رساں اداریاں دے مطابق کینیڈا دے اراکین پارلیمنٹ نے حکومت ولوں میانمار دی سربراہ آنگ سان سوچی دی اعزازی شہریت منسوخ کرن لئی پیش کردہ قرار داد دے حق وچ ووٹ دے دتا۔

کینیڈین حکومت تے اراکین پارلیمنٹ ولوں میانمار (برما) دی سربراہ دے خلاف ایہہ قدم ایس لئی چکیا گیا کیونجے آنگ سان سوچی برما وچ روہنگیا مسلماناں دی نسل کشی روکن وچ نکام رہیاں نیں۔

آنگ سانگ سوچی نوں سن 1991 وچ جمہوریت لئی اوہناں دیاں کوششاں دے بدلے وچ امن دے نوبل انعام توں نوازیا گیا سی ۔ ایس ویلے برما دے ناں توں پچھانے جان والے ملک وچ فوجی حکومت قائم سی۔

دوجیاں خبراں

Back to Top