ضمنی انتخابات، قومی دی11 تےصوبائی دی24نشستاں تےووٹنگ ہوئی

نيوز ڈیسک , بول نيوز

اتوار - 14اکتوبر 2018, 02:08PM

  • 333
  • الیکشن
prev next

 

 

 قومی تےصوبائی اسمبلیاں دی35 نشستاں تےضمنی انتخابات لئی چاراں صوبیاں وچ پولنگ ہوئی۔

تفصیلاں دے مطابق قومی اسمبلی دی11 تےصوبائی اسمبلی دی 24 نشتاں تےضمنی انتخابات  لئی پولنگ دا عمل سویرے8وجے توں شام 5وجے تک بلا تعطل جاری رہیا۔ لوکاں نے وڈھی تعدادوچ حق رائے دہی استعمال کیتا تے ملکی تاریخ وچ پہلی وار سمندر پار پاکستانیاں نے وی آن لائن ووٹ کاسٹ کیتا ۔

ضمنی انتخابات وچ قومی تےپنجاب اسمبلی دی11 نشستاں نال خیبرپختونخواہ اسمبلی دی 9، سندھ تےبلوچستان دی 2،2 نشستاں تےووٹنگ ہوئی تے600 توں ودھ امیدواراں  نے انتخابات وچ حصہ لیا۔

جنہاں حلقیاں تےپولنگ  ہوئی ایہدےوچ اسلام آباد دی نشست این اے 53 سنے پنجاب وچ قومی اسمبلی دی9جدکہ سندھ تےخیبر پختونخواہ دااک اک حلقہ شامل اے۔

الیکشن کمیشن دے مطابق مجموعی طورتے35حلقیاں وچ92 لکھ 93 ہزار74 ووٹرز سن جنہاں نے اپنا حق رائے دہی استعمال کرنا سی، ووٹنگ  لئی7ہزار489 پولنگ اسٹیشن بنائے گئے جدکہ اک ہزار727 پولنگ اسٹیشن نوں حساس قرار دتا گیا اے۔

الیکشن کمیشن دے ترجمان دا کہناسی کہ ’کل5 ہزار881سمندر پارپاکستانیاں نے ووٹ کاسٹ کیتا، جنہاں وچوں4 ہزار864 اوورسیز پاکستانیاں نےقومی اسمبلی دےحلقیاں لئی ووٹ کاسٹ کیتا۔

الیکشن کمیشن دے قنون دے تحت پنچ وجدے ای پولنگ دا ویلاختم ہویا البتہ پولنگ اسٹیشن دے اندر موجود ووٹرز نوں حق رائے دہی استعمال کرن دی اجازت ملی، ویلاختم ہون توں  بعد آر اوز نے بیلٹ باکسز کھول کے گنتی دا عمل شروع کیتا۔

واضح رہوے کہ ضمنی انتخابات وچ حصہ لین لئی کل661 امیدواراں نے کاغذات نامزدگی جمع کروائے جنہاں وچوں16 امیدواراں دے کاغذات مسترد ہوئے تے645 دے منظور ہوئے جنہاں نے انتخابات وچ حصہ لیا۔

تازہ ترین خبریں