بلاول بھٹوداسہیل انورسیال دےبیان دانوٹس

نيوز ڈیسک , بول نيوز

جمعه - 28ستمبر 2018, 01:33PM

  • 477
  • سیاست
prev next

پاکستان پیپلزپارٹی دے چیئرمین بلاول بھٹو زرداری نے سہیل انور سیال دے غیر ذمہ دارانہ بیان دا نوٹس لیندے ہوئے اوہناں نوں سخت وارننگ دے دتی اے ۔

بلاول بھٹو نے غیر ذمہ دارانہ بیان دا نوٹس لیندے ہوئے سہیل انور سیال دی سخت سرزنش کیتی تے ناراضی دا اظہار وی کیتا، پیپلزپارٹی دے چیئرمین نے رکن سندھ اسمبلی نوں سخت وارننگ وی دتی۔

یاد روے کہ پچھلے سابق وزیر داخلہ سندھ سہیل انور سیال نے سندھ اسمبلی دے اجلاس وچ وچاراں دا اظہار کردے ہوئے آکھنا سی کہ ہندوستان توں آن والیاں نوں اسیں پالیا اے ، اوہناں لوکاں نوں اسیں گھر ، زمیناں تے اناج دے کے پناہ دتی ۔ سندھ وچ جیہناں نوں پناہ دتی اج اوہ  ای سندھ دے خلاف گلاں کررئے نیں۔

اوہناں نے ایم کیو ایم ول اشارہ کردے ہوئے آکھیا سی کہ اوہناں دے ڈرپوک لیڈر نے بھارت جاکے پاکستان دے خلاف تقریراں کیتیاں تے ملک دے قیام نوں سازش قرار دتا ، ایہوجئے سارے لوکی پہلے خود نوں پاکستانی تے سندھی منن تے فیر ساڈے اتے تنقید کرن۔

پیپلز پارٹی دے رہنما دا آکھنا سی کہ جیہڑا ایتھے رہ کے کھاندا اے اوہ مہاجر نئیں بلکہ سندھی اے ، جے کوئی صوبے نوں توڑن یا کالاباغ ڈیم دی گل کردا اے تے اسیں مرنا مارنا چنگی طراں جاندے آں۔

دوجیاں خبراں

Back to Top