پاکستان تےآسٹریلیادےوچکارپہلاٹیسٹ میچ ڈرا

نيوز ڈیسک , بول نيوز

جمعرات - 11اکتوبر 2018, 01:52PM

  • 67
  • کھیڈاں
prev next

پاکستان تے  آسٹریلیا دے وچکار دو دو کرکٹ ٹیسٹ میچاں دی سیریز دا پہلا میچ برابری اتے مک گیا اے ۔

تفصیلاں دے مطابق آسٹریلیا نے 462 رنز دے ہدف دے تعاقب وچ دوجی اننگز وچ 8 وکٹاں دے نقصان اتے 362 رنز بنائے۔

  کینگروز نے اج اننگز دی شروعات 3 وکٹاں دے نقصان تے 136 رنز توں کیتا ،83 رنز دے اضافے وادھے دے بعد ٹریوس ہیڈ 72 رنز بناکرمحمد حفیظ دی گینڈ اتے ایل بی ڈبلیو آؤٹ ہوگئے پر عثمان خواجہ نے پاکستانی بولرز دے خلاف مزاحمت جاری رکھی۔

333رنز دے مجموعی سکور اتے آسٹریلیا دیاں اک دے بعد دو وکٹاں اوس ویلے ڈگ گیاں جدوں مچل سٹارک تے پیٹر سڈل بغیر کوئی سکور  بنائے آؤٹ ہوئے۔

آسٹریلیا ولوں عثمان خواجہ نے اک وار فیر ودھیا بیٹنگ دا مظاہرہ کیتا تے 11 چوکیاں دی مدد نال 141 رنز دی شاندار اننگز کھیڈی، اوہناں نے پہلی اننگز وچ وی 85 رنز بنائے سن۔

آسٹریلیا دے کپتان ٹِم پین نے وی ذمہ دارانہ بٹینگ دا مظاہرہ کردے ہوئے 5 چوکیاں دی مدد نال 61 رنز بنائے تے آؤٹ نئیں ہوئے۔

پاکستان ولوں یاسر شاہ نے عمدہ بولنگ دا مظاہرہ کیتا تے 4 وکٹاں حاصل کیتیاں جدکہ محمد عباس نے 3 وکٹاں حاصل کر کے میچ وچ مجموعی طور تے 7 وکٹاں حاصل کیتیاں ۔پہلی اننگز وچ 6 وکٹاں اپنے ناں کرن والے ڈیبیوٹنٹ بلال آصف کوئی وکٹ حاصل نہ کر سکے۔

دوجیاں خبراں

Back to Top