پاکستان دی بھارت دے خلاف ٹاس جت کے بیٹنگ جاری

نيوز ڈیسک , بول نيوز

اتوار - 23ستمبر 2018, 12:39PM

  • 334
  • کھیڈاں
prev next

ایشیا کپ دے سپر فور مرحلے وچ پاکستان دی بھارت دے خلاف ٹاس جت کے بیٹنگ جاری اے۔دبئی دے انٹرنیشنل اسٹیڈیم وچ  کھیڈے جان  والے میچ وچ سرفراز احمد نے ٹاس جت کے بیٹںگ دافیصلہ کیتا تے امام الحق تے فخر زمان نے اننگز دا آغاز کیتا۔

دونواں اوپننگ بلے بازاں نے محتاط انداز اپنایا تے بھارتی بولراں دے خلاف وڈھی شارٹس لان توں گریز کیتا تاہم 8ویں اوور وچ  امام الحق یزویندرا چاہل دی گیند تے ایل بی ڈبلیو آؤٹ ہوگئے، اوہ 10 رنز اہی بناسکے۔ٹاس جتن  دے بعد کپتان سرفرازدا کہنا سی کہ پچ بیٹنگ لئی سازگار وکھائی دے رئی اے تے کوشش ہووئےگی کہ آغازچنگا ہوئے تے وڈھا مجموعہ کر کے بھارت نوں ہرایا جاوئے۔بھارتی کپتان روہت شرما نے کہا کہ کھڈاری بھرپور فارم وچ  نیں تےاج میچ  لئی مکمل تیارآں ایس لئی میچ جتن  دی کوشش کراں گے تے سانوں  ایسے ورگوں بولنگ کرنی اے جس طرح کردے آرئے آں۔بھارت دے خلاف میچ  لئی قومی ٹیم وچ 2 تبدیلیاں کیتی گئیاں نیں جد کہ بھارتی ٹیم وچ  کوئی تبدیلی نئیں کیتی گئی۔ عثمان شنواری دی تھاں محمد عامر اور حارث سہیل دی تھاں  شاداب خان نوں  ٹیم وچ  شامل کیتا گیا، قومی ٹیم فخر زمان، امام الحق، بابراعظم، شعیب ملک، کپتان سرفراز احمد، آصف علی، شاداب خان، محمد نواز، شاہین آفریدی، حسن علی تے محمد عامر تے مشتمل اے۔بھارتی ٹیم شیکر دھاون، کپتان روہت شرما، امباتی روئیڈو، مہندرا سنگھ دھونی، دنیش کارتھک، کیدر جادیو، روندرا جدیجا، بھونیشور کمار، کلدیپ یادیو، یوزویندرا چاہل تے جیسپرٹ بھمرا تےمشتمل اے۔وڈھے مقابلے نوں ویکھن لئی کرکٹ دے شوقین دی وڈھی تعداد اسٹیڈیم وچ موجود اے۔سپر فور مرحلے وچ  ایشیا کپ دے اج کھیدے جان  والے دوجے میچ وچ  بنگلادیش دا مقابلہ افغانستان نال ہووئےگا۔اج دے اہم میچ وچ  جس ٹیم نے کامیابی حاصل کیتی ایس دی ایشیا کپ دے فائنل تک رسائی دی راہ ہموار ہوجاوئے گی تے ہارن والی ٹیم لئی اگر مگردا سلسلہ شروع ہو جاوئے گا۔

دوجیاں خبراں

Back to Top