ایشیا کپ: افغانستان نوں 3 رنزنال شکست

نيوز ڈیسک , بول نيوز

پیر - 24ستمبر 2018, 04:38AM

  • 311
  • کھیڈاں
prev next

ایشیا کپ سپر فور مرحلے دے میچ وچ  سنسنی خیز مقابلے دے بعد بنگلہ دیش نے افغانستان نوں تین رنز نال  شکست دے دتی۔

ابو ظہبی اسٹیڈیم وچ کھیڈے گئے میچ وچ  بنگلہ دیش نے افغانستان دے خلاف ٹاس جیت کے پہلے بیٹنگ دا فیصلہ کیتا اےتے مقررہ 50 اوورز وچ  7 وکٹاں دے نقصان تے 249 رنز بنائے۔

بنگلہ دیش  ولوں محموداللہ تے امرالقیس نے ودھیاں بیٹنگ دا مظاہرہ کیتا، امرالقیس 72 رنز بنا کے ناٹ آؤٹ رئے جد کہ محموداللہ 74 رنز بنا کے آؤٹ ہوئے۔لٹن داس 41 رنز تے مشفیق الرحیم 33 رنز بنا کے آؤٹ ہوئے۔

افغانستان ولوں ٓفتاب عالم نے 3 جد کہ مجیب الرحمان تے راشد خان نے اک اک کھیڈاری نوں  پویلین دی راہ وکھائی۔ہدف دے تعاقب وچ  افغانستان ولوں حشمت اللہ شاہدی نے 71 رنز دی اننگز کھیڈی جدکہ اصغر افغان تے محمد نبی نے 39 تے 38 رنز بنائے تاہم اپنی ٹیم نوں فتح نال ہمکنار کروان وچ  نکام رئے۔

آخری اوور وچ  افغانستان نوں 8 رنز دی لوڑسی تاہم اوہ صرف 4 رنز ای بناسکے۔بنگلہ دیش ولوں مشرفی مرتضیٰ تے مستفیض الرحمان نے دو، دو جدکہ شکیب الحسن تے محمود اللہ نے اک، اک کھیڈاری نوں آؤٹ کیتا۔افغانستان دا اگلا میچ بھارت جدکہ بنگلہ دیش دا اگلا میچ پاکستان نال  ہووےگا۔

 

دوجیاں خبراں

Back to Top