ایشیا کپ: گرین شرٹس بمقابلہ بنگال ٹائگرز

نيوز ڈیسک , بول نيوز

بدھ - 26ستمبر 2018, 05:50AM

  • 299
  • کھیڈاں
prev next

ایشیا کپ کرکٹ ٹورنامنٹ وچ سپر فور مرحلے دا چھیواں تے اخیرلا میچ اج ابوظہبی وچ کھیڈیا جاوے گا جیہدے وچ پاکستان تے بنگلہ دیش دیاں ٹیماں آمنے سامنے ہون گیاں۔

 ابوظہبی دے شیخ زید سٹیڈیم وچ پاکستانی ویلے دے مطابق دوناں ٹیماں دے وچکار میچ شام ساڈھے 4 وجے شروع ہووے گا، ایونٹ وچ بنگلہ دیش تے پاکستان دیاں ٹیماں پہلی وار آمنے سامنے آرئیاں نیں ۔

پاکستان تے بنگلہ دیش دے وچکار میچ دی فاتح ٹیم 28 ستمبر نوں بھارت دے خلاف فائنل کھیڈے گی، دوناں ٹیماں دی حالیہ کارکردگی نوں ویکھدےہوئے کانٹے دے مقابلے دی توقع کیتی جا رئی اے۔ اج دے میچ وچ فاسٹ بولر محمد عامر نوں آرام دتے جان دا امکان اے تے ذرائع دا آکھنا اے کہ محمد عامر دی تھاں جنید خان نوں 11 رکنی ٹیم وچ شامل کیتا جاسکدا اے۔

پاکستان تے بھارت دیاں ٹیماں ایس توں پہلاں دو وار آمنے سامنے آ چکیاں نیں تے دونویں میچز وچ بھارت فاتح رئیا، ایس گل دا امکان اے کہ دونویں ٹیماں فائنل وچ اک وار فیر آمنے سامنے ہون گیاں ، تانجے ایس لئی گرین شرٹس نوں اخیرلےمیچ وچ بنگال ٹائیگرز دی رکاوٹ عبور کرنا ہووے گی۔

دوجیاں خبراں

Back to Top