اسحاق ڈاردی جائیداد فروخت بارےعدالت نے فیصلہ محفوظ کر لیا

نيوز ڈیسک , بول نيوز

پیر - 1اکتوبر 2018, 06:05AM

  • 435
  • عدالت
prev next

  احتساب عدالت نے سابق وزیر خزانہ اسحاق ڈاردی جائیداد فروخت  بارےقومی احتساب بیورو (نیب) دی درخواست تے فیصلہ محفوظ کر لیا۔

احتساب عدالت نمبر اک دے جج محمد بشیر نے نیب ولوں جمع کروائی گئی درخواست تے سماعت کیتی جیدے بعد اسحاق ڈاردی جائیداددی نیلامی  بارےفیصلہ محفوظ کر لیا۔

یاد روے کہ 27 ستمبر  نوں  نیب نے احتساب عدالت وچ  درخواست جمع کرواندے ہوئے اپیل کیتی سی کہ اسحاق ڈار مفرور نیں اینھاں دی پاکستان وچ  موجود ساری جائیداداں فروخت کرن دی اجازت دتی جاوے۔

28 ستمبرنوں  ہون  والی گزشتہ سماعت تے نیب نے اسحاق ڈار دی قرق شدہ جائیداد دی تفصیلاں  عدالت وچ جمع کروان جس دے مطابق سابق وزیرخزانہ دے دبئی وچ  3 فلیٹس، گلبرگ لاہور وچ  اک گھرتے اسلام آباد وچ  چار پلاٹس نیں

نیب دے مطابق اسحاق ڈار تےاینھاں دے گھرالی دے کول پاکستان وچ  6 گڈیاں نیں جناں وچ لگژری گڈیاں وی شامل نیں۔

نیب نے عدالت نوں دسیاسی کہ باہرلے ملک تن کمپنیاں وچ  اسحاق ڈار شراکت دار وی نیں جد کہ میاں بیوی نے ہجویری ہولڈنگ کمپنی وچ  34 لاکھ 53 ہزار دی سرمایہ کاری وی کر رکھی اے۔

 

دوجیاں خبراں

Back to Top