50لکھ گھراعلان نال نئیں بندے،چیف جسٹس

نيوز ڈیسک , بول نيوز

بدھ - 10اکتوبر 2018, 12:22PM

  • 173
  • عدالت
prev next

چیف جسٹس پاکستان جسٹس ثاقب نثار نے آکھیا اے کہ 50 لکھ گر اعلان نال نئیں بنن گے ۔

چیف جسٹس پاکستان دی سربراہی وچ ملک بھر وچ کچی آبادیاں توں متعلق کیس دی سماعت ہوئی جیہدے دوران بلوچستان وچ کچی آبادیاں توں متعلق رپورٹ پیش کیتی گئی۔

دوران سماعت چیف جسٹس ثاقب نثار نے ریمارکس دتے کہ کچی آبادیاں وچ سہولتاں دینا حکومت دا کم اے، کچی آبادیاں وچ بوہت نقص اے، کجھ نہ کجھ تے ہونا چاہیدا اے۔

چیف جسٹس نے ایڈیشنل اٹارنی جنرل نوں ہدایت کیتی کہ اسلام آباد توں کچی آبادیاں ہٹان اتے تجویزاں دیو ، تسیں ہجے تیکر اسلام آباد وچ کچی آبادیاں دا ڈیٹا نئیں دتا۔

 

جسٹس ثاقب نثار نے ایڈیشنل اٹارنی جنرل توں آکھیا کہ وزیراعظم نوں آکھو کہ ویلا دیو کچی بستیاں ویکھن چلاں گے ، ویکھدے آں اوتھے کیہ حالت زار اے ، میں تے لاہور وچ کچی بستیاں ویکھ آیا آں اوہناں نوں آکھو جاکے حالت ویکھو ، وزیراعظم خود جاکے کچی آبادی والیاں دی حالت ویکھو ، اوہ ایس ملک دے چیف ایگزیکٹو نیں، مینوں ویلا دس دیو نال جاکے ویکھ لیندے آں۔

ایڈیشنل اٹارنی جنرل نے عدالت وچ مؤقف اپنایا کہ کچی آبادیاں دا مسئلہ چھیتی حل ہو جاوے گا، وزیراعظم نے 50 لکھ گھراں دا اعلان کیتا اے،ایڈیشنل اٹارنی جنرل دے جواب تے چیف جسٹس نے ریمارکس دتے کہ 50 لکھ گھر بنانا خالہ جی دا واڑا نئیں ، 50 لکھ گھر بنان وچ ویلا لگدا اے ،کبوتراں دا پنجرہ بنایا جاوے تے وی ویکھیا جاندا اے کنھے کبوتر آن گے۔

جسٹس ثاقب نثار نے ہور آکھیا کہ کمیشن مقرر کر دیندا آں اوہ جاکےویکھ لوے گا ۔ 1996 توں لے کےہن تیکر کیہ کیتا اے ؟ آکھدے نیں تبدیلی آگئی اے۔

 

چیف جسٹس پاکستان دا آکھنا سی کہ ایتھے سرکاری گھراں دا بوہت غلط استعمال ہوندا اے ، ریٹائرڈ لوکی سرکاری گھراں اتے قابض نیں۔

دوجیاں خبراں

Back to Top