عام انتخابات انتہائی شفاف تےآزادسن،میجرجنرل آصف غفور

نيوز ڈیسک , بول نيوز

ہفتہ - 13اکتوبر 2018, 01:43PM

  • 73
  • دفاع/فوج
prev next

پاک فوج دے شعبہ تعلقات عامہ (آئی ایس پی آر) دے ڈائریکٹر جنرل (ڈی جی ) میجر جنرل آصف غفور نے آکھیا اے کہ پاکستان وچ عام انتخابات انتہائی شفاف تے آزاد سن۔

لندن وچ صحافیاں نال گل کردے ہوئے ترجمان پاک فوج میجر جنرل آصف غفور دا آکھنا سی کہ عام انتخابات وچ فوج نے ممکن بنایا کہ ہر شخص اپنی مرضی دے مطابق ووٹ دوے، پاکستان دے کئی حصیاں وچ ریکارڈ ووٹرز ٹرن آؤٹ رئیا، جولائی وچ ہون والے عام انتخابات وچ ووٹرز نے اپنی مرضی نال ووٹ دتے ، کسے نوں نئیں آکھیا کہ کیہنوں ووٹ دینا اے کیہنوں نوں نئیں۔

اوہناں نے آکھیا کہ پاکستان وچ آزادی اظہار رائے مجود اے، دھاندلی دے الزام لائے گئے پر ہجے تیکر کوئی وی ثبوت نئیں دے سکیا۔

ترجمان پاک فوج نے آکھیا کہ تبدیلی دے ورھے توں متعلق میری ٹوئٹ نوں غلط معنیاں وچ لیتا گیا ۔

ڈی جی آئی ایس پی آر نے کہیا کہ بیورو کریسی تے نظام توں متعلق پاکستان مسلم دنیا وچ کلا ملک اے جیہنے کامیابی حاصل کیتی ، 5 ورھیاں توں نظام نے چنگا کم شروع کیتا اے پر ایہدے وچ ہور بہتری دی لوڑ اے ۔

ڈی جی آئی ایس پی آر دا آکھنا سی کہ کراچی وچ جرماں وچ کمی آئی اے ، بیورو کریسی تے دوجے اداریاں نے کراچی دے امن لئی رل کے کم کیتا اے ۔

انٹرنیشنل میڈیا دے حوالے نال ترجمان پاک فوج دا آکھنا سی کہ انٹرنیشنل میڈیا وچ پاکستان توں متعلق مثبت خبراں نوں اجاگر نئیں کیتا جاندا ، فاٹا اصلاحات اتے مغربی میڈیا وچ اک وی بامقصد خبر نئیں ویکھی گئی، مغربی میڈیا وچ پاکستان دے اتے ہمیشہ انسانی حقوق دی خلاف ورزی تے مبنی الزام لائے جاندے رئے۔

میجر جنرل آصف غفور دا آکھنا سی کہ سرحد پار توں دو ملکاں دے وچکار ونڈ نئیں اے ، اسیں اپنیاں سرحداں کھلیاں نئیں چھڈ سکدے۔

تازہ ترین خبریں