پاکستان تےروس وچکارآف شورپائپ لائن منصوبہ طے

نيوز ڈیسک , بول نيوز

بدھ - 26ستمبر 2018, 08:06AM

  • 206
  • قومی
prev next

ملک وچ توانائی دے بحران دے خاتمے لئی اک وڈا قدم چکدے ہوئے پاکستان تے روس وچ آف شور پائپ لائن دا منصوبہ طے پا گیا اے۔ معاہدے لئی حکومتی وفد اج ماسکو روانہ ہووے گا۔

تفصیلاں دے مطابق ملک وچ سستی توانائی دی فراہمی لئی حکومت نے روس توں گیس خریدن دا فیصلہ کر لیا اے۔ ڈیل دا حجم دس ارب ڈالر تیکر متوقع اے۔ ایس سلسلے وچ روس گوادر تیکر سمندر ہیٹھ گیس پائپ لائن بچھاوے گا جدکہ منصوبہ تن توں چار ورھیاں وچ مکمل ہووےگا۔

 

پاکستان اک دیہاڑے دے حساب نال اک ارب مکعب فٹ تیکر گیس خریدے گا، روسی گیس درآمدات دا حجم 62کروڑ 10لکھ کیوبک اے۔

روس ولوں ایس معاہدے اتے عمل درآمد توانائی دی وڈی کمپنی گزپارم کرے گی جدکہ منصوبے فیزیبلیٹی بنان دی ذمہ واری وچ وی ایسے کمپنی دے کول اے ۔

وچاراں وچ روے کہ روس دے کول ایس ویلے دنیا وچ ساریاں توں وڈے گیس دے ذخیرےمجود نیں۔

پاکستان ولوں گیز پارم دے نال آف شور پائپ لائن منصوبے اتے کم لئی سرکاری کمپنی انٹر سٹیٹ گیس سسٹم (ISGS) نوں نامزد کیتا گیا اے جیہڑی ملک وچ گیس درآمدی منصوبیاں نوں ویکھدی اے۔

دوجیاں خبراں

Back to Top