اپوزیشن شہبازشریفءِدزگیریءَسیاسی رنگ دیگا اِنت،شاہ محمود

نيوز ڈیسک , بول نيوز

پیر - 8اکتوبر 2018, 01:21PM

  • 507
  • سرکار
prev next

دری کارانی وزیر شاہ محمود قریشی ءَ گشتگ کہ اپوزیشن شہبازشریف ءِ دزگیری سیاسی رنگ دیگ بوھگا اِنت۔

سینیٹ ءَ تران ءُ پدا سینیٹ ءِ ڈن ءَ رسانکدر ءَ گوں گپ ءُ تران کنان ءَ شاہ محمود قریشی ءِ گشگ ات کہ ملک ءَ پلوکاں ہر دروشم ءَ کٹہرہ ءَ کاریں۔

شہبازشریف ءِ دزگیری ءَ سیاسی رنگ دیگ رد اِنت، بدبحتی ءَ چہ اپوزیشن اے دزگیری ءَ سیاسی رنگ دیگ ءَ اِنت۔

آئی ءَ گشتگ کہ ملک ءَ گوست ءَ بے دردی ءَ گوں پُلگ بوتگ، اپوزیشن ءَ گپ گوشدارگ ءِ دلبڈی ہم بوھگ لوٹیت۔

شاہ محمود قریشی ءِ گشگ ات کہ پاک بھارت گپ ءُ تران 2015ءَ اوشت ءِ آماچ اِنت۔ بھارت گپ ءُ تران ءَ ترسگ ءَ اِنت ءُ بھارت ءَ پاکستان ءَ گوں گپ ءُ تران ءَ راضی بوھگ ءَ پد انکار کرتگ۔

آئی ءِ گشگ ات کہ بھارت ءَ الیکشن پیداک اَنت، ہمے حاترا من اتگ ئے ءُ پدا گپ ءُ تران نہ کرتگ ئے۔

دری کارانی بنجائی وزیر ءِ گشگ ات کہ گوست ءَ سیاسی بیرگیری ڈھال ءِ حساب ءَ پیش کنگ بوتگ، ملک گوست ءَ بے دردی ءَ گوں پُلگ بوتگ۔

نوکتریں حال